Sang-ayon si Dr. Ted Herbosa, Medical Adviser ng National Task Force Against COVID-19, sa desisyon ni COMELEC Commissioner George Garcia hinggil sa paglalagay ng vaccination sites sa Halalan sa Mayo 9.
Sa panayam ng DWIZ, sinabi ni Herbosa, na mas mainam kung tutukan muna ang botohan sa lunes.
Matatandaang tinutulan ni Garcia ang mungkahi ng Department of Health na magtayo ng vaccination sites malapit sa polling precincts.
Iginiit nito na magdudulot ng kalituhan kung aakalain ng mga botante na requirement ang bakuna kontra COVID-19 para makaboto.
