Inihayag ni Pangulong Rodrigo Duterte na ipagpapatuloy niya ang kaniyang kampanya kontra ilegal na droga kahit tapos na ang kaniyang termino.
Ayon kay Pangulong Duterte, babalik siya sa kaniyang dating gawain na pag-iikot sa iba’t ibang kalsada gamit ang kaniyang motorsiklo para maghanap ng mga kriminal.
Aniya, dahil hindi na siya presidente kaya wala nang makakapagdikta sa kaniya ng mga dapat niyang gawin.
Sakaling mahanap niya raw ang mga tulak ng droga, babarilin at papatayin niya ang mga ito.
Matatandaang inamin ni Pangulong Duterte ginagawa na niya nito kahit noong alkalde pa lamang siya ng Davao City.
