Aabot sa 2,300 na Election Returns (ERs) ang natanggap ng Parish Pastoral Council for Responsible Voting (PPCRV) sa Command Center sa University of Santo Tomas (UST) sa Maynila.
Inihayag ni Angel Antonio, Media Director ng Parish Pastoral Council for Responsible Voting (PPCRV) mula sa 2,300 ERs ay nasa 1,500 pa lamang ang naeencode para sa unofficial parallel count ng PPCRV.
Kaninang 9 ng umaga nang unang sumalang sa encoding ang bagong batch ng mga volunteer ng PPCRV.
Samantala, patuloy naman ang pagdating ng observers at dumating din ang mga tauhan ng Philippine Red Cross (PRC).
