Iminungkahi ni Pangulong Rodrigo Duterte sa susunod na administrasyon na agad tutukan ang constitutional convention.
Sa Talk to the People, inihayag ni Pang. Duterte, na mahalagang kumilos na upang matugunan ang demand na baguhin o palitan ang Phil. Constitution.
Giit ng punong ehekutibo, talagang magastos ang pagsssagawa mg constitutional convention pero kailangan na aniya itong gawin ng susunod na administrasyon.
Mahalagang matalakay na ito ng maaga upang maiwasan ani Pang. Duterte ang anumang akusasyon na gagamitin lamang ang inisyatibo para sa term extension gaya ng inakusa sa kanya ng iilang kritiko.
Inirekomenda rin ng Chief Executive sa susunod na Presidente na buwagin na ang party list system dahil ginagamit lamang ito sa maruming hangarin ng iilan para pabagsakin ang gobyerno lalo na ng mga makakaliwa na nais na palitan ang pamahalaan.
