Makakaranas pa rin ng mainit at maalinsangang panahon ang bahagi ng Luzon pero may tiyansa ng panandaliang pagbuhos ng ulan sa hapon hanggang sa gabi bunsod pa rin ng localized thunderstorm.
Asahan naman na magpapatuloy ang mainit at maalinsangang panahon sa bahagi ng Visayas maliban na lang sa mga localized thunderstorms o isolated rain showers sa hapon hanggang sa gabi.
Magiging maalinsangan din ang bahagi ng Mindanao pero may tiyansa ng mga localized thunderstorm sa hapon hanggang sa gabi.
Agwat ng Temperatura sa Metro Manila ay maglalaro sa 26°C hanggang 34°C habang sisikat naman ang haring araw mamayang 5:26 ng umaga at lulubog naman ito mamayang 6:23 ng hapon.
