Nasa 37 mga bata at ilang senior citizen ang muling lumikas matapos ang panibagong phreatic eruption ng Bulkang Bulusan kaninang 3:37 ng madaling araw.
Ayon kay Ken Marc Ragasa, head ng Bulusan Municipal Disaster Risk Reduction and Management Office (MDRRMO), naninirahan ang mga ito sa loob ng 4-kilometer radius danger zone ng bulkan.
Sa ngayon, nagpakalat na ang MDRRMO ng response vehicle at mga suplay ng pagkain sa iba’t ibang lugar na apektado ng aktibidad ng naturang bulkan.
