Buntis sa kanilang ikatlong anak ni Marc Pingris ang aktres na si Danica Sotto.
Ibinahagi ni Danica sa instagram account niya sa mismong selebrasyon ng Father’s Day kahapon ang isang video clip na nagpapakita ng sonogram o resulta ng ultrasound ng kanilang baby number 3.
Tuwang-tuwang nagpasalamat sa Panginoon ang mag-asawa sa anila’y answered prayer ng pamilya.
Sina Marc at Danica ay ikinasal noong March 2007 at may dalawang anak na sina Jean Michael at Anielle Micaela.
