Muling nagtungo sa Cavite si President-Elect Ferdinand Marcos Jr., upang pasalamatan ang kanyang mga kaalyado at supporters na tumulong sa kanya upang manalo sa halalan.
Sa pagdalo ni PBBM sa ika-sampung taon ng Cityhood ng Bacoor, sinabi nito na malaki ang tulong ng mga Caviteño sa tagumpay ng tambalan nila ni Vice President-elect Sara Duterte.
Nabatid na aabot sa 1.09 milyong boto ang nakuha ni Marcos mula sa Cavite.
Samantala, nagpasalamat naman si Bacoor Mayor Lani Mercado-Revilla kay Marcos sa pagdalo sa kanilang cityhood anniversary, at sinabing suportado nila ang desisyon ni PBBM na pamunuan ang Department of Agriculture (DA).
