Patay ang dalawa katao sa Pampanga habang apat ang sugatan matapos tumama ang sinasakyan nilang bangka sa high-tension wire.
Naganap ang insidente kasabay ng ika-177 Fluvial Parade kahapon para sa imahe ni St. Peter.
Kinilala ni Pampanga Acting Police Director, Colonel Alvin Consolacion ang mga nasawi na sina alyas “Nyote Ponsenes”, 40 anyos at isa pang walang pagkakakilanlan, 30 anyos.
Agad namang isinugod sa pagamutan ang apat na nasugatan na sina Maria Christian Javier-Torres, 58 anyos; Elizabeth Javier, 41 anyos at kapwa 11 anyos na sina Mia Franz Simbulan at Dwayne Cortez.
Batay sa imbestigasyon, alas-2 tumama sa wire ang bangka dahilan para pumutok ito at makuryente ang mga biktma.
Lumabas naman na pagmamay-ari ng National Grid Corporation of the Philippines ang wire.
