Lumagda ng kasunduan ang Metropolitan Manila Development Authority (MMDA) at Land Transportation Office (LTO) hinggil sa mga pasaway na tsuper na patuloy na lumalabag sa batas trapiko sa mga pangunahing kalsada.
Pinangunahan ni MMDA chairperson Romando Artes at LTO chief, Assistant Secretary Edgar Galvante ang paglagda ng isang kasunduan para sa pagtatatag ng LTO-MMDA Inter-Connectivity Project na magbibigay daan para sa kanilang data sharing.
Layunin ng kasunduan na mapadali ang trabaho ng dalawang ahensya at mapalakas ang kampanya para sa responsableng pagmamaneho at mapanagot ang mga pasaway driver na patuloy na lumalabag sa ipinatutupad na batas lalo’t kasalukuyan ring ipinatutupad ang “No Contact Apprehension Policy” para sa mga pasaway na motorista.
Ayon sa MMDA at LTO, mabilis nilang matutukoy ang mga impormasyon ng sinumang motorista na masasangkot sa anumang aksidente bunsod ng iresponsableng pagmamaneho.
