Aabot sa 10 kabahayan ang naabo matapos lamunin ng apoy sa bahagi ng Dr. A Santos Avenue, brgy. San dionisio sa Parañaque City.
Ayon sa Bureau of Fire Protection (BFP-Parañaque), nagsimula ang sunog alas-4:06 ng kahapon ng hapon na umabot sa ikalawang alarma kung saan, tumagal ng halos isang oras bago naapula ang apoy.
Wala namang naitalang nasawi o nasugatan sa naganap na sunog habang patuloy pang iniimbestigahan ang sanhi ng sunog maging ang kabuuang halaga ng pinsala nito.
Sa ngayon, nagpaabot na ng tulong si Mayor Eric Olivarez sa mga residenteng nasunugan.
