Personal na bumisita si Vice President Sara Duterte-Carpio sa official residence ni Ambassador of Japan to the Philippines Kazuhiko Koshikawa.
Ito ay para ipaabot ng bise presidente ang kaniyang pakikiramay sa pagpanaw ng dating punong ministro na si Shinzo Abe.
Matatandaang noong Biyernes, Hulyo 8 nang barilin ng armadong lalaki ang dating Japanese Prime Minister habang nasa gitna ng election campaign sa Nara, Western Japan.
Sa Facebook page ni VP Sara, kanyang ibinahagi ang mga larawan ng kanyang pagbisita kung saan, sumulat pa siya ng mensahe sa “Book of Condolence” bilang pakikidalamhati.
Ayon kay Duterte-Carpio, si Abe ay isang mahusay na lider kung saan malaki ang naiambag nito sa pagpapaigting ng relasyon sa pagitan ng Pilipinas at Japan.
