Nagpaabot ng pasasalamat ang mga opisyal ng Department of Health (DOH) kay Pangulong Ferdinand “Bongbong” Marcos, Jr. kasunod ng pagkakatalaga nito kay Usec. Ma. Rosario Vergeire bilang officer-in-charge ng ahensya.
Ikinatuwa ng mga opisyal ang pagbibigay ng tiwala ni PBBM sa kakayahan ni Vergeire na gampanan ang kaniyang responsibilidad para sa tuloy-tuloy na pagbangon ng bansa matapos padapain ng pandemiya.
Layunin din ng ahensya na makamit ang universal health care sa lahat ng mga pilipino sa hinaharap.
Sa ngayon, kasalukuyan ding tumatayo si Vergeire bilang Undersecretary ng DOH Public Health Services Team, at Office of the Chief of Staff.
