Pinayuhan ni dating Philippine National Police (PNP) Chief at Senator Ronald “Bato” Dela Rosa si Pangulong Ferdinand “Bongbong” Marcos Jr. sa pagpili ng susunod na PNP Chief.
Ayon kay Dela Rosa, ang susunod na PNP Chief ay dapat may paninindigan sa kaniyang desisyon at kayang banggain ang mga sindikato ng iligal na droga.
Matatandaang si Dela Rosa ang kinilalang drug at crime buster sa ilalim ng Duterte administration.
Sa ngayon, wala pang napipiling PNP Chief si PBBM pero mayroon nang umuugong na nominado sa nasabing posisyon kabilang na ang tatlong pinakamataas na opisyal ng PNP.
