Dapat bumuo at magsagawa ng makabagong inisyatiba ang Local Government Units para mapagaan ang pinansyal na pasanin ng publiko sa gitna ng pagtaas ng presyo ng mga bilihin.
Ayon kay Department of the Interior and Local Government secretary Benjamin Abalos Jr., halimbawa aniya nito ang R’Cebu program, kolaborasyon ng isang kumpanya at ng Cebu provincial government na layong tulungan ang micro, small and medium enterprises (MSMEs) para makarekober mula sa mga hamon sa ekonomiya.
Giit niya, ang transformative programs ang kailangan ng bansa upang mapanatili ang pagrekober mula sa socio-economic impact na dulot ng COVID-19 pandemic.
Samantala, isa aniya ito sa tututukan ng pamahalaan sa mga darating na araw upang maibsan ang paghihirap ng mamamayang Pilipino.
previous post