Tiniyak ng Commission on Elections (COMELEC) na wala silang gusali sa Region 1, 2, 3 at Cordillera Administrative Region (CAR) na nasira dahil sa lindol.
Ayon kay COMELEC Spokesperson John Rex Laudiangco, ligtas ang lahat ng kanilang staff nang maganap ang lindol.
Kahapon, naglabas ng memorandum si COMELEC acting-Chairperson Socorro Inting kung saan sinuspinde ang trabaho sa lahat ng rehiyon na naapektuhan ng lindol.
Inatasan din ni Inting ang kanilang mga regional election directors na magsagawa ng “assessment” sa kani-kanilang tanggapan kaugnay sa epekto ng pagyanig at magsumite ng report hinggil dito.
