Tuloy pa rin ang biyahe ng mga bus papuntang Northern Luzon kahit pa tinamaan ng malakas na lindol ang lalawigan ng Abra na naramdaman din sa ilang rehiyon kahapon.
Sa ilang bus terminal sa Sampaloc at Blumentritt, may biyahe pa rin papuntang bayan ng Paoay, Ilocos Norte, at iba pang lalawigan sa Region 1.
Mayroon ding biyahe patungong Baguio City mamayang gabi.
Nabatid na sinabi ng Department of Public Works and Highways (DPWH) na ilang kalsada papunta ng norte ang pansamantalang isinara para sa road clearing operation.
Samantala, kabilang sa mga lugar na hindi muna madadaaanan ng mga motorista ang Kalinga Road, Abra-Ilocos Norte Road, Calaba Brdige at Abra-Cervantes Road.
