Nagsalita na ang action star na si Jeric Raval hinggil sa kumakalat na isyung buntis ang kaniyang anak na si AJ Raval.
Sa pahayag ng aktor patungkol sa nasabing isyu, kaniyang iginiit na hindi buntis ang kaniyang anak at nagsho-shooting pa umano ito.
Sinabi pa ni Jeric na kung buntis si AJ, mas mabuti pa raw ito dahil patunay ito na hindi baog ang kaniyang anak.
Aminado ang aktor na maging siya ay nasasaktan sa tuwing may nababasa siyang mga kumento tungkol kay AJ.
Ayon pa kay Jeric, bilang isang magulang, hindi niya maiiwasang maapektuhan kaya pinipilit niya itong dedmahin dahil ang mga gawa-gawang isyung kumakalat sa social media ay kasama na umano sa buhay ng isang artista.
