Pumanaw na kahapon ang beteranang aktres na si Cherie Gil sa edad na 59 na taong gulang.
Ito ay kinumpirma ng kanyang Talent manager na si Annabelle Rama at pamangkin na si Sid Lucero sa kanilang Instagram posts.
Bagama’t wala pang kumpirmadong sanhi ng pagkamatay ng aktres, usap- usapan ngayon na Cancer ang ikinamatay nito.
Binansagan si Gil bilang “La Primera Kontrabida” dahil sa galing nito sa pag-arte at kontribusyon nito sa industriya ng Sining at Pelikula.
Kilala rin ito sa kanyang tanyag na linyang “You’re nothing but a second rate trying hard copycat” sa teleseryeng Bituing Walang Ningning noong 1985.
Ilang Kapuso celebrities din ang nagpaabot ng maiksi ngunit makabuluhang mensahe para sa pumanaw na aktres. —sa panulat ni Hannah Oledan
