Nakikipag-ugnayan na ang Department of Education sa Department of Health para magkasa ng bakunahan ng “PinasLakas” sa mga paaralan sa pagbubukas ng klase ngayong buwan.
Ayon kay DepEd spokesman Atty. Michael Poa, nais nilang tumulong sa DOH upang hikayatin ang mga magulang na pabakunahan na kontra COVID-19 ang kanilang mga anak.
Pero, aniya huwag naman iasa sa mga guro ang vaccination drive dahil puno rin ang trabaho ng mga ito.
Samantala, sinabi ni Poa na hindi nila pipilitin ang mga magulang na pabakunahan ang kanilang mga anak.
