Nasagip ang 14 na katao kabilang ang anim na bata matapos tumaob ang kanilang motorbanca isang milya ang layo mula sa Maimbung Pier, Sulu noong Agosto a-6.
Ayon sa Philippine Coast Guard (PCG), nakipag-ugnayan sa kanila ang Philippine Army’s 41st Infantry Battalion hinggil sa isang distress call na natanggap nila bandang ala sais: bente ng gabi mula sa isang pasahero na si Haber Munap, 35 taong gulang.
Ayon kay Munap, nagmula sila sa Tapul, Sulu at papunta sana sa Maimbung, Sulu nang makaramdam sila ng pababago sa kondisyon ng dagat.
Matapos matagpuan ang 14 na pasahero, agad silang itinurn over sa Municipal Disaster Risk Reduction and Management Council (MDRRMC) at Regional Health Unit ng Maimbung upang mabigyan ng medical assistance. – sa panulat ni Hannah Oledan
