Matapos dumalo sa state funeral ni dating Pangulong Fidel V. Ramos (FVR) ay binisita ni Pangulong Ferdinand ‘Bongbong’ Marcos Jr. ang puntod ng kanyang amang si Ferdinand Marcos Sr. sa libingan ng mga bayani, kaninang umaga.
Sa inilabas na larawan ng News and Information Bureau ng Malacanang, dumaan ang punong ehekutibo sa puntod ng kanyang ama at nag-alay ng dasal pagkatapos dumalo sa seremonya para kay FVR.
Matatandaang inabot ng ilang dekada bago tuluyang nailibing si dating Pangulong Marcos Sr. sa Libingan ng mga Bayani dahil sa matinding pagtutol ng Anti-Marcos groups.
Samantala, nabigyan lamang ng katuparan na maihimlay dito si Marcos Sr. noong November 2016 nang pumayag si dating Pangulong Rodrigo Duterte.
