Naipadala na ng Procurement Service-Department of Budget and Management o PS-DBM sa National Bureau of Investigation (NBI), ang mga dokumentong may kinalaman sa pagbili ng laptop para sa Department of Education (DepEd).
Ayon kay Dennis Santiago, Executive Director ng PS-DBM, ginawa nila ang hakbang upang maimbestigahan na ng NBI ang ilang audit findings ng Commission on Audit (COA) sa umano’y iregularidad sa transaksyon.
Kasama sa mga dokumentong ipinadala ay ang ilan sa mga kontrata sa mga nakalipas na taon na kinukwestiyon din ng COA.
Umaasa naman si santiago na magiging patas ang imbestigasyon sa isyu.
