Patay ang 16 na indibidwal habang isinugod naman sa ospital ang 8 pang sugatan sa naganap na banggaan ng isang truck at isang minibus sa Southwestern, Iran.
Sa imbestigasyon ng mga otoridad, sakay ng naturang bus ang mga manggagawa habang binabaybay ang Shushtar sa Dezful City nang mag-crash o bumulusok ang kanilang sinasakyan.
Sa ngayon, nagdeklara na ng public mourning o ilang araw na pagluluksa ang Iran government bilang pakikiramay sa mga pamilya ng mga biktimang nasawi sa aksidente.
