Ikinasal na ang actor-turned-politician na si Jason Abalos at ang dating beauty queen na si Vickie Rushton.
Idinaos ang pag-iisang dibdib ng dalawa sa San Antonio De Padua Parish sa Tagaytay noong September 1.
Suot ni Vickie ang isang elaborate ball gown na may terno sleeves habang si Jason naman ay embroidered Barong ang kasuotan.
Nabatid na mahigit 10 taon nang mag-sweetheart ang dalawa bago sila nagpakasal.
Matatandaang noong Hunyo ay isiniwalat nina Jason at Vickie na engaged na sila noon pang Setyembre nang nakaraang taon.
