Pumalo na sa P205 million ang jackpot prize ng Grand Lotto 6/55 para sa susunod na bola ngayong araw.
Ayon sa Philippine Charity Sweepstakes Office (PCSO), maaari pang tumaas ang papremyo ng Grand Lotto 6/55 sa sussunod na linggo sakaling hindi pa rin ito masungkit ng mga mananaya sa Sabado.
Nabatid na walang nakahula sa katatapos lamang na bola ng six-digit winning combination number ng Grand Lotto 6/55 na 48-31-42-40-11-50 kaya’t hindi pa rin naiuwi ang katumbas nitong premyo na P194,089,549.60 centavos.
Siyam na mananaya naman ang nanalo ng tig-P100,000 para sa second prize matapos mahulaan ang tig-limang tamang numero.
Samantala, hinikayat naman ng PCSO ang publiko na patuloy na tangkilikin ang kanilang palaro upang magkaroon ng tiyansang maging susunod na milyonaryo.
