Unti-unti nang dumagsa ang mga mamimili sa Divisoria Market habang papalapit na ang araw ng Undas.
Bukod sa mas mura ang bentahan sa Divisoria, pinipilahan din ito ng mga mamimili dahil sa kalidad nito kahit na tumaas sa P5 hanggang P18 ang presyo.
Nakadepende naman ang presyo ng isang kandila sa laki, tatak, at kung gaano karami ang bibilhin.
Kasabay nito, nagsisimula na ring humirit ng umento sa presyo ng kandila ang ilang manininda na siyang dahilan ng pagpakyaw ng mga mamimili bago sumapit ang unang araw ng Nobyembre. —sa panulat ni Hannah Oledan
