Sa loob lamang ng dalawang linggo makaraang ipatupad ang unprecedented measure laban sa lahat ng person-to-person SMS na may URLs, na-lock ng isang telecommunications company (telco) ang nasa mahigit 32.2 million scam at spam text messages na may clickable links.
Sinasabing ito ang numero ay para sa September 28, nang simulang ipatupad ng Globe ang mahigpit na hakbang, hanggang October 13 period.
Nabatid na ito’y nangangahulugan na na-block ng telco ang average na 2.4 million SMS na may clickable links kada araw sa nasabing panahon.
“The amount of text messages with clickable links we blocked within just about two weeks shows the staggering number of spam and scam SMS that disrupt and threaten customers every day. This is empirical proof that our security measure was warranted,” pahayag ni Anton Bonifacio, Chief Information Security Officer ng Globe.
Ang pag-block sa SMS na may clickable URLs ay sinimulang ikasa ng kompanya noong huling linggo ng Setyembre bilang tugon sa lumalawak na reklamo hinggil sa dumaraming spam at scam messages, partikular ang mga naglalaman ng buong pangalan ng mobile users.
Hindi maitatatwa na ang hakbang na ito ay una sa industriya kung saan ang Globe ang una at tanging telco na maagap na hinaharang ang lahat ng person-to-person SMS na may clickable links.
Napag-alaman na patuloy itong ipatutupad hanggang sa maging epektibo ang SIM Registration Act.
Kasabay nito, naitalaa ng telco ang bagong rekord sa na-block na spam at scam messages na may kabuuang bilang na 1.3 billion mula from January hanggang September kung saan nahigitan nito ang 2021 full year (January-December) na 1.15 billion.
Tumaas din ang monthly total ng na-block na SMS ng 295.74% sa loob ng 9 na buwan mula 68.34 million noong January sa 270.5 million noong September.
Sa bagong security measure, ang lahat ng person-to-person SMS na may clickable links mula sa lahat ng networks ay iba-block.
Bunga nito, napilitan ang mga scammer na maghanap ng mga bagong paraan para isagawa ang kanilang scam messages na patunay na naging epektibo ang blocking measure ng Globe.
“We reiterate our call on our customers to remain vigilant as fraudsters will continue to find ways to circumvent measures that aim to thwart them. Do not engage with SMS from anonymous sources making enticing offers,” wika ni Bonifacio.
Aabot na sa $20 million o P1.1 billion ang gastos ng Globe sa ginagawang spam at scam SMS detection at blocking system nito.
Tuloy-tuloy din ang pagtatrabaho ng Security Operations Center ng telco para ma-filter out ang scam messages na ito, kabilang ang app-to-person at person-to-person SMS ng international at domestic sources.
