Hinarang ng Philippine Ports Authority sa Batangas ang isang barko na nagtangkang magdiskarga ng imported na asukal mula sa Thailand.
Ayon kay PPA – Batangas Port manager Joselito Sinocruz, karga ng MV Deryoung Sunflower ang nasa 194,000 bags ng asukal.
Daraong sana ang barko sa Batangas Port pero hindi pinayagan dahil pribado itong pantalan.
Alinsunod sa patakaran, sa mga government port lamang maaaring magdiskarga at magkarga ng mga imported shipment.
Samantala, napag-alaman ng PPA na consignee sa nasabing kargamento ang isang beverage company. —mula sa panulat ni Jenn Patrolla
