Sa kauna-unahang pagkakataon, nasangkot ang bansang Iran sa bakbakan sa European continent.
Kasalukuyang nasa lupain ng sinasakop na Ukraine ngayon ang ilang miyembro ng Islamic Revolutionary Guard Corps para tulungan ang Russia na magpaulan ng Iranian Kamikaze Drone sa mga lungsod at imprastraktura sa Ukraine.
Batay sa ulat, nabanggit ng isang opisyal ng Ukraine na 10 Iranians na ang nasawi sa isang pag-atake nito sa Russia na naging dahilan ng paghahanda ng Tehran na magpalakas ng hanay sa pamamagitan ng pagbibigay ng libu-libong drone at dalawang uri ng iranian-made ballistic missile sa Russia.
Sa pamamagitan ng pagtaas ng suporta nito sa pagtatangka ng imperyal ng Russia na sakupin ang Ukraine, umaasa ang iran na ma-i-susulong ang sarili nitong proyektong imperyal sa gitnang silangan. – sa panulat ni Hannah Oledan
