Bubuksan lamang sa limitadong oras ang mga sementeryo at kolumbaryo sa Taguig City sa araw ng Undas.
Alas-sais ng umaga bubuksan ang libingan ng mga bayani at isasara ito ng alas-sais ng gabi simula October 29 hanggang November 2.
Ayon sa lokal na pamahalaan ng Taguig, sa 10 libingan sa kanilang siyudad, karamihan ay bubuksan ng alas sais ng umaga at isasara ng alas-sais, alas-otso at alas-diyes ng gabi.
Pinapayuhan naman ang mga bibisita sa sementeryo na agahan ang pagpunta upang hindi makasabay sa pagdagsa ng mga tao.
Pinaalalahanan din ang publiko na sumunod pa rin sa COVID-19 health protocols at iwasan ang pagdadala ng mga ipinagbabawal na bagay tulad ng maiingay na gamit, matutulis na bagay, alak, iligal na droga at, baril. – sa panulat ni Hannh Oledan
