Inanunsiyo ng Philhealth na mas pinalawak pa nila ang kanilang primary care package.
Sa laging handa public briefing, sinabi ni Philhealth Spokesperson Shirley Domingo na ito’y pamamagitan ng kanilang konsulta o konsultasyong sulit at tama package.
Ipinagmalaki ni Domingo na bukas ito para sa lahat ng mga pilipinong miyembro ng Philhealth kung saan nakapaloob sa konsulta package ang check-up, health screening at mga selected o piling laboratories.
Saklaw din ng package ang ilang mga gamot para sa hypertension, diabetes at anti-microbial o antibiotic.
Sa kabilang banda, aminado si domingo na hindi pa sapat ang bilang ng accredited providers para sa nasabing programa dahil nasa 1,267 pa lamang ang bilang ng mga ito.
Nanawagan naman ang philhealth sa mga gustong maging provider na magtungo lamang sa kanilang tanggapan o kaya’y website para sa mga kailangang gawin upang maging accredited provider ng konsulta package. -sa ulat mula kay Gilbert Perdez (Patrol 13).
