Tiniyak ng Department of Social Welfare and Development (DSWD) ang tulong sa naiwang pamilya ng dalawang sundalong nasawi matapos tambangan ng communist terrorist group sa Abra.
Nabatid na tutulong sana ang mga biktimang sundalo sa disaster response operations sa Barangay Gacab sa Malibcong matapos ang magnitude 6.4 na lindol na tumama sa lalawigan ngunit in-ambush ang mga ito na ikinasugat ng isa pa nilang kasama at isang nawawala.
Sa panayam ng DWIZ, sinabi ni DSWD Sec. Erwin Tulfo na labis nilang ikinalungkot ang nangyari at iginiit na nais lamang ng dalawang sundalo na tumulong sa relief distributions ng ahensya.
