Tatlong katao ang patay habang lima naman ang dinala sa pinakamalapit na ospital matapos ang nangyaring banggaan ng dalawang sasakyan sa Berkshire County, Massachusetts.
Ayon sa mga otoridad, nangyari ang insidente dakong alas singko y medya ng umaga kung saan isang Toyota Sienna at isang Chevrolet Silverado ang nagbanggaan sa Route 7 malapit sa Pike Road.
Kinilala ang mga nasawi na sakay ng sienna na sina Prem Kumar Reddy Goda, 27 years old, Pavani Gullapally, 22 years old, at Sai Narasimha Patamsetti, 22 years old.
Dinala naman ang apat na iba pa sa Berkshire Medical Center habang ang driver ay dinala sa Fairview Medical Center para magamot.
Sinabi ng pulisya na ang mga sakay ng van ay mga international college student’s kung saan anim sa mga ito ay nag-aaral sa University of New Haven at isa sa Sacred Heart University.
