Pangkalahatang naging mapayapa ang paggunita ng Undas ngayong taon.
Ayon kay PNP Spokesperson, Police Colonel Jean Fajardo, wala silang naitalang hindi kanais-nais na insidente mula nang ipatupad ang full alert status noong October 29.
Tanging mga ipinagbabawal na kagamitan ang nakumpiska ng mga pulis sa mga sementeryo tulad ng alak, gamit pang-sugal, loudspeakers at matatalim na bagay.
Samantala, hindi rin nakatanggap ng banta sa seguridad ang PNP ngayong paggunita ng Undas na maaaring makagulo sa selebrasyon.
Sa huling datos, mahigit 40,000 personnel ng PNP ang ipinakalat sa buong bansa maliban pa sa ibang tauhan ng mga ahensiya ng gobyerno.
