Sumailalim sa COVID-19 test si Pangulong Ferdinand “Bong Bong” Marcos Jr. matapos magpositibo si Cambodian Prime Minister Hun Sen.
Ayon sa Office of the Press Secretary, nagpasuri na rin ang pangulo bilang bahagi ng health protocol para sa apec summit sa Bangkok, Thailand.
Inutusan din niya ang mga miyembro ng opisyal na delegasyon sa Cambodia na magpasuri ng kanilang sarili.
Nagpaabot naman ang punong ehekutibo sa Cambodian Prime Minister para sa agarang paggaling nito.
Sa ngayon, hinihintay pa kung isasapubliko ng pangulo ang resulta ng kanyang COVID-19 test.
