Inilabas na ng Bureau of Internal Revenue (BIR) ang guidelines para sa pagpapatupad ng Vape Law na nagtatakda ng floor price para sa heated, vapor, at iba pang electronic cigarette items.
Ang Revenue Regulations 14-2022 na inilabas ng ahensya ay nagsisilbing Implementing Rules and Regulations (IRR) para sa Republic Act 1190 o Vaporized Nicotine and Non-Nicotine Products Regulation Act.
Alinsunod sa nasabing regulasyon, ang floor price para sa point 7 milliliters ng pod ay 131 pesos; 306 pesos para sa 1.8 ml at 318 pesos sa 1.9 ml ng nicotine salt.
Ayon kay BIR East NCR Director Edgar Tolentino, makatutulong ang naturang guidelines sa ekonomiya at sa pagtitiyak ng kalusugan ng mga menor de edad.
Samantala, pagtutuunan nila ng pansin ang mga illegal vape sellers’ upang maiwasan ang pagsa-smuggle ng mga vape products nang sa gayon ay maiwasan ang smuggling na maaaring magresulta sa pagkawala ng malaking kita sa produktong vape. - sa panulat ni Hannah Oledan
