Hindi magiging malala ang epekto sa bansa ng pagkakadetect ng OMICRON Subvariant na BQ.1.
Ito ay matapos maitala na sa bansa ang bagong variant kung saan 14 na Pilipino ang tinamaan nito.
Ayon kay Dr. Edsel Salvana, Isang Infectious Disease Expert, posibleng umabot lang sa 5, 000 ang daily new cases sa bansa dahil sa bagong OMICRON Subvariant,
Gayunpaman, sinabi ni Salvana na karamihan sa mga bagong kaso na ay inaasahang maging mild lamang ang epekto dahil bakunado na kontra COVID-19 ang mayorya ng mga pinoy.
Samantala, kinontra naman ng eksperto ang sinabi ni Department of Health Officer-In-Charge Maria Rosario Vergeire na ang BQ.1 ay mas nakakahawa at highly immune invasive kumpara sa ibang variants.
Giit ni Salvana, wala pang ebidensya na makapagpapatunay dito na ito ay mas malala kaysa sa mga naunang nadetect na variant. -sa panunulat ni Hannah Beatrisse Oledan .