Makakaranas ng pagkaantala ng supply ng tubig ang ilang bahagi ng Mandaluyong City, Quezon City at Antipolo City simula bukas, December 1 hanggang 2.
Sa abiso ng Manila Water, maaapektuhan ng water interruption simula alas-10:00 ng gabi ng December 1 hanggang alas-4:00 ng madaling araw ng December 2, ang Purok 32-38 at Purok 48-60 sa Mandaluyong City, ilang bahagi ng Barangay Nayong Kanluran, Paltok, Sta. Cruz, Matandang Balara, Ugong at Ugong Norte sa Quezon City.
Gayundin ang ilang parte ng Barangay San Isidro at Barangay Dela Paz sa Antipolo City, Rizal.
Pinayuhan naman ng Manila Water ang mga maaapektuhang residente na mag-imbak ng sapat na dami ng tubig na kanilang kakailanganin sa oras ng service improvement activity.
