Nakikipag-ugnayan na ang Department of Education (DEPED) sa naganap na gulpihan sa banyo ng Colegio San Agustin (CSA) – Makati.
Ito’y matapos kumalat sa social media ang isang video kung saan makikitang nagsusuntukan ang dalawang estudyante habang pinapanood ng kanilang mga kamag-aral.
Agad namang naisugod ang dalawang estudyante sa clinic ng paaralan nang makita ng security guard ang insidente.
Ayon kay DEPED Spokesperson, Atty. Micheal Poa, ipinapaubaya na nila ang imbestigasyon sa CSA-Makati bagaman hindi dapat ipagkibit-balikat ang insidente.
Samantala, tiniyak ng legal counsel at spokersperson ng CSA-Makati na maglalabas ng desisyon ang paaralan sa mga susunod na araw kaugnay sa insidente. - sa panulat ni Jenn Patrolla
