Arestado ang isang American national sa Taguig City matapos ireklamong nanakit ng kaniyang kinakasama.
Kinilala ang suspek na si Micheal Tan, na napag-alamang wanted sa Amerika dahil sa kinakaharap na kaso.
Ayon kay Police Brigadier General Kirby John Kraft, Hepe ng Southern Police District, napag-alamang nasa Interpol Red Notice at Wanted ang Amerikanong si Tan dahil sa kasong attempted, willful, deliberate, premeditated murder.
Nakikipag-ugnayan naman ang US Embassy sa pulisya ngunit kailangan na munang harapin ni tan ang kaso sa Pilipinas bago magkaroon ng deportation proceeding.
Kasalukyan namang nakakulong sa custodial facility si Tan sa Taguig City Police Station. – sa panulat ni Jenn Patrolla
