Muling ipinanawagan ng isang grupo ng health workers ang hindi pa nila natatanggap na benepisyo sa ilalim ng RA 11712 o ang Health Emergency Allowance for the Health Workers Act, na dating One COVID allowance.
Sa panayam ng DWIZ kay Roberto Mendoza, National President ng Alliance of Health Workers (AHW), iginiit nito ang benepisyong isang taon na nilang hindi natatanggap at hindi tinutugunan ng pamahalaan.
Maliban sa Emergency Allowance, inihirit din ng grupo ang hindi pa ibinibigay na backpay na kailangan na ngayon ng mga health workers lalo’t papalapit ang Pasko.
