Magdaragdag ang Department of Transportation (DOTr) ng mahigit 700 bus sa Parañaque Integrated Terminal Exchange (PITX) para sa mga pasaherong uuwi sa mga probinsya ngayong holiday season.
Ito’y makaraang magkulang ang mga bumibyaheng provincial bus sa PITX sa kabila ng pagdagsa ng libu-libong commuter ngayong Christmas rush.
Nag-inspeksyon naman ang DOTr sa PITX at nagsagawa ng drug testing sa mga konduktor at driver upang matiyak ang kaligtasan ng mga biyahero.
Bukod sa DOTr, kabilang sa mga nag-ikot ang Land Transportation and Franchising Regulatory Boards, Metropolitan Manila Development Authority at Land Transportation Office.
Inaasahang lolobo sa 170,000 na pasahero ang daragsa sa nasabing terminal ngayong linggo. —sa panulat ni Jenn Patrolla
