Naghahanda na ang mga ospital sa mga mabibiktima sa paggamit ng mga paputok ngayong kapaskuhan lalo na sa pagsalubong sa bagong taon.
Ito ay ayon kay Health Officer In Charge Maria Rosario Vergeire kung saan may mga nabiktima pa rin ng paputok kahit pa nitong nakalipas na dalawang taon na may pandemya.
Batay sa datos ng kagawaran, may 122 nabiktima ng paputok nuong pagsalubong ng 2020 habang nitong nakalipas na 2021 nasa 188 naman ang nabiktima .
Samantala, nilinaw naman ng opisyal na sa pangkalahatan ay pababa na ang bilang na mga nabibiktima na mga paputok sa pagsalubong ng bagong taon.
