Sasampahan na ng Department of Justice (DOJ) ng kasong kidnapping at serious illegal detention ang anim na indibidwal na may koneksyon sa pagkawala ng anim na sabungero noong Enero.
Sa resolusyong inilabas kahapon, nakitaan ng probable cause ng Panel of Prosecutors ng DOJ para kasuhan ang manager ng farm na sina Julie Patidongan, Gleer Codilla, Mark Carlo Zabala, Virgilio Bayog, Johnry Consolacion, at Roberto Matillano Junior.
Para ito pagkawala ng anim na sabungero na sina John Claude Inonog, James Baccay, Marlon Baccay, Rondel Cristorum, Mark Joseph Velasco, at Rowel Gomez noong Enero 13.
Ihahain mismo ang kaso sa Manila City Regional Trial Court.
Samantala, sinabi naman ng DOJ na binigyan ng konsiderasyon ng panel ang depensa ng mga akusado, dahil sa positibong pagkakakilanlan at mga testimonya ng mga testigo.
