Itinalaga ni Pang. Ferdinand Marcos Jr. ang veteran mediaman at DWIZ senior reporter na si Patrol 3 Bert Mozo bilang isa sa mga Board of Directors ng Subic Bay Metropolitan Authority o SBMA.
Sa isang pahinang appointment paper, binanggit na ipinagkakatiwala ni PBBM ang posisyon kay Mozo bilang kinatawan ng business & investment sectors.
Nanumpa na rin sa tungkulin si Mozo sa harap ni Department of Justice Senior Deputy State Prosecutor Miguel Gudio, Jr.
Nabatid na si Mozo ay halos tatlong dekada na sa larangan ng pamamahayag.
Nangako naman si Mozo na gagampanan niya nang buong puso ang kanyang bagong tungkulin para sa mga mamamayan at bayan.
