Pinangunahan ni Pangulong Ferdinand Marcos Jr., ang ‘Pamaskong Handog para sa Pamilyang OFW’ event kaninang umaga.
Sa gift-giving ceremony sa Kalayaan Grounds sa loob ng Palace Compound, pinasalamatan at binigyang-pugay ng pangulo ang mga itinuturing na bagong bayani ng bansa.
Sinabi pa ng pangulo na malapit sa puso niya ang mga Overseas Filipino Workers.
Samantala, binati rin ng pangulo ang Department of Migrant Workers para sa unang anibersaryo nito at nangako itong palalakasin ang ahensya para na rin sa pangangailangan ng mga Pinoy sa ibayong dagat.
