Nasamsam ng Bureau of Customs (BOC) ang mahigit P139M ang halaga ng mga produktong pang-agrikultura.
Ayon sa BOC, dumating ito mula sa China na naglalaman ng undeclared goods sa pagitan ng Nob. 27 at Dis. 3 sa Manila International Container Port (MICP) at ito ay naka-consign sa isang consumer goods trading company sa Alabang, Muntinlupa.
Iginiit ni Customs Commissioner Yogi Filemon Ruiz, nakakaapekto sa sektor ang agrikultura ang pagpapasok ng mga smuggled agricultural products sa mga palengke.
Nabatid na una nang sinabi ng BOC na nasabat nito ang P171-M na halaga ng mga smuggled na produktong agrikultura at pagkain mula sa China. —sa panulat ni Jenn Patrolla
