Iginiit ni National Capital Region Police Office (NCRPO) chief PBGen. Jonnel Estomo na handa siyang magbitiw sa kaniyang puwesto kahit hindi umano siya sangkot sa nagaganap na illegal drug trade sa bansa.
Ayon kay Estomo, suportado niya ang naging panawagan ni Department of Interior and Local Government (DILG) Secretary Benhur Abalos, Jr. hinggil sa courtesy resignation ng mga colonel at generals sa Philippine National Police (PNP).
Sinabi ni Estomo na sang-ayon siya sa naturang pahayag upang mawala na sa PNP ang mga opisyal na sangkot umano sa bentahan ng iligal na droga.
Nilinaw din ni Estomo na nasa animnapu hanggang pitumpung opisyal ng NCRPO ang pumapayag sa nais ni Abalos na magsumite ng resignation letter at walang sinoman ang nagtulak o pumupuwersa sa kanilang desisyon.
Dagdag pa ni Estomo, hindi siya kabilang sa mga sangkot sa bentahan ng illegal drugs at naniniwala siyang mahuhuli ang mga nasa likod ng iligal na aktibidad.
