Pinayuhan ni Senator Christopher Bong Go ang binuong ‘5-man committee’ na mag-ingat sa gagawing evaluation sa courtesy resignation ng mga mataas na opisyal ng PNP.
Nababahala ang senador na baka maulit ang nangyari noon na maraming nagsumite ng resignation at tinanggap agad pero hindi naman nabusisi ng husto.
Ayon kay Go, suriin at i-assess ng mabuti ang mga nagsumite ng kanilang resignation upang hindi naman masayang ang pinaghirapang career ng mga police officers
Paliwanag pa niya, nasa akademya pa lamang ay pinaghihirapan na ng mga magiging opisyal ang kanilang trabaho kaya sayang kung sa huli ay mababalewala ang 30 taon na kanilang pinaghirapan.
Tiwala naman si Go na marami pa ring mga pulis ang matitino, may dignidad at integridad sa kanilang mga sinumpaang tungkulin. - sa ulat mula kay Cely -Ortega Bueno (Patrol 19).
